Dapò divèrso tenpo co' Photoshop CS6 contenti e sodisfati, ghemo pensà de pasar a ƚa version CC (Cloud), pensando che no canbiase gninte. De fato a prima vista no xé canbià gninte, e ghemo continuà (senpre nialtri, ƚe nòstre maestà) a laorar come senpre.

Sensa gnanca vardar el sòƚito articoƚeto de "what's new in...".

E 'pò na sorprexa: inte 'l menu de i filtri ghe xé gnintepopodemancoché el filtro "Camera RAW"; un click e se vèrxe el file in Camera RAW. No xé che se pòse tirar fora i detali e ƚa profondità che inte un jpeg no i ghe xé, ma xé na esperiensa doparar i stromenti de Camera RAW so cualsesipia imàxene, anca non scatada in RAW e anca se xà vèrta in Photoshop. Un colpo de Camera Raw, e se sparagna tuta na sèrie de altri stromenti/filtri/regoƚasion.

E anca ƚa preparasion de i master video ƚa xé tuta reinventada.

Daghe un òcio anca ti.

Photoshop da dèso invanti el xé soƚo in Cloud, da descargar da'l sito Adobe e doparar in bonamento.
Se te vol cronparlo te pol soƚo cronpar ƚa version CS6 (fin che ghe ne xé):

Photoshop CS6 in véndita so Amazon.it (in exaurimento):
(N.B. so Amazon, in xènare, i software i costa manco che non cronpando so'l sito Adobe)