Obietivi par màchine reflex: se te sì in serca de òtiche, òcio a 'l me consejo.
Ƚa bubana òtico-valutaria ƚa xé fenìa... o ƚa xé in fenir.
Ùltime ocaxion par cronpar (novo) a prèso de ocaxion na calche òtica par el to sistèma. Fenìo el ano fiscal in Giapon, Leica, Nikon, Pentax e Sony ƚe gà xà parecià i listini co' i rialsi de prèso, da'l 15 a'l 90%(!) conforme el tipo de òtica e ƚa marca. Tamron, Tokina e Sigma intanto ƚe gà meso in ofèrta calcòsa, in atexa de ƚa rinfrescada de i catàƚoghi co' i "modèƚi novi" (na scuxa anca cuesta par alsar i prèsi).
 

Chi che i gà dubità so 'l me consejo (vedi blog de 'l 22 de marso) de prenotar ƚa D800, no i gavarà altro ocaxion de 'vérghene una scontada da Amazon, almanco fin a scadensa de'l "ciclo", cioè co ƚa 'ndarà fora de produsion, cioè fra 4 ani. Come che gavevo pre-visto e pre-avertìo, el sconto de 400€ el xé restà ativo par manco de na stimana. Dèso xé el (ùltimo) momento par cronpar òtiche a prèso de crixi. Fenìa ƚa crixi, chi che i xé senpre in crixi (come mi) i gavarà da cronpar a prèso da paperoni.

Serca so Amazon da sto link se ghe xé òtiche par ti.