Ùltimi xorni par profitar de ƚa ofèrta Adobe so Photoshop inte 'l "cloud". Chi che i gaveva oncora na version precedente de Photoshop i pol abonarse in "cloud" a "Photoshop CC" co' anca "Lightroom" conprexo, a un prèso veramente conveniente.
Presto tuti i programi de Adobe se podarà dopararli nòma che inte 'l "cloud", co' na conesion internet e un bonamento mensil o anual. Sta informasion ƚa xé stada ùtiƚe par mi, spèro che ƚa sipia tal anca par i amighi che i vìxita sto sito.
Laorar co'l "customer service" de Adobe, on line da'l intèrno de i programi ƚa xé na esperiensa favoƚoxa(*), no ghe xé problèmi che no i sipia boni de risòlver, presto e ben. Esperiensa xà fata personalmente da mi sia co' Photoshop che co' Première. No pòso far altro che rengrasiar Adobe e indrisar i me clienti vèrso i so prodoti.
Adobe Photoshop CC + Lightroom CC a €12.29 a 'l mexe, se se fà un bonamento da 12 mexi.
Na racòlta de firme de fotògrafi profesionisti che i dòpara regoƚarmente el software (e no ghe intarèsa abonarse a altri prodoti in cloud) ƚa gà fato canbiar idèa a Adobe che ƚa gà sbasà el costo scuaxi a metà prèso. L' ofèrta ƚa xé vàƚida soƚo fin a 'l 31 marso.
* = Co' tutociò che se gà da doparar l'asistensa in inglexe, parché da i locali in xènare no se gà nisuna respòsta. D'altra parte xé pì còmodo (e costa manco) laorar co'l software in inglexe.
