Co'l avento de màchine da 24MP e senpre pì formatasion de riprexe cine in "Full HD" se inpone el potensiamento de i hardware par no restar inpantanài mentre che i clienti i spèta ƚa consegna de i laori.
Xé in corso ƚa migrasion a un sistèma operadivo a 64 bit (Windows 7 Professional 64) so'l PC primario, xà istaƚà so memòria a stato sòƚido. Ƚa memòria a stato sòƚido a'l posto de 'l "disco fiso" ƚa varentise letura de i dati mediamente cuatro vòlte pì presto de prima. I programi profesionaƚi par fotoritoco o montagio video i xé disponìbiƚi a 64 bit, el che el permete de gestir el dopio de i dati par unità de tenpo, cuindi do vòlte pì presto.
Contro-indicasion ghe ne xé, come in tute ƚe ròbe, e penso che sipia bastansa grave che Photoshop in version 64 bit no'l supòrte de inportar i file da scanner. Twain ƚa xé na tenoloxìa superada, de cui existe soƚo còdexe a 32 bit, e in Adobe no i pensa minimamente a un rimèdio. Se xé costreti cuindi a cronpar un software profesional de letura da scanner, che el se istaƚa anca inte i menù de Photoshop (se consoƚemo almanco che el costa poco), ma no capiso parcòsa che Adobe no ƚa fasa calcòsa de'l xènare xà integrada in PS. I ne dà Bridge, el Cloud e tante altre robete sinpàtiche ma de poco conto (come altri tècno-guru i ne dà i Ipad, Ipod Ipud Ipid, e via discorendo, o cretinàe come i Facebook, LinkIn, Linkout, ParaLink ect..) e no i xé boni de far un programa de gestion scanner da integrar so'l so prodoto pì inportante (che altri i fà a 64 bit a prèso acesìbiƚe). Un profesionista no 'l pol far altro che pensar che ƚa xé na vergògna, parché PS el xé un software indispensàbiƚe e insostituìbiƚe, che el fà sparagnar un saco de tenpo e schèi, oltre a dar stromenti de màsima cuaƚità.
I diƚetanti/pasionài (enthusiasts, in globglish) no i gavarà comuncue de sti problèmi, ghe bastarà scansionar ƚe imàxine co'l driver de 'l so scanner, salvarlo, e 'pò vèrxarlo in Photoshop. El me consejo de cronparlo el xé senpre vàƚido, dòpara sti link e cronpa partindo da cuà:
Photoshop CS6 in véndita so Amazon.it:
(N.B. so Amazon, in xènare, i software i costa manco che non cronpando so'l sito Adobe)
|
Windows8/7/XP
|
Axornamento W8/7/XP
|
Axornamento Mac OSX
|
Photoshop Elements, version esensial:
|
Axornamento/sčiarimento:
Rumegando so i forum mericani gò savesto che ƚa soƚusion pì praticada ƚa xé de istaƚar tute do ƚe version de PS CS6, 64bit e 32bit (co'l so plugin twain 32bit), indrento el steso Sistèma. Da'l momento che tipicamente i laori de scan+stanpa in sèrie no i gà da bexon de ƚa potensa de'l 64bit, pararìa na soƚusion pràtica a "costo xèro" (costo suplemetar, se intende).
