Còmodo a i bèi tenpi, co i meteva i segni de profondità de canpo so tuti i obietivi. Dèso, co' i novi obietivi autofoocus e ƚe scaƚe de mesa in fogo sconte drento na finestrèƚa, no se se ramenta gnanca altro de sta funsion (e racuanti somejari nasesti in te l'època de 'l digital no i la gà gnanca mai vista). Mi me règoƚo senpre a òcio, ma par calcheduni forse xé el caxo de tornar a un stromento in uxo da co' xé nasesta ƚa photo-graphia: el règoƚo manual par el conto de ƚa profondità de canpo. DOF master se pol descargarlo a gratis e doparar so'l monitor, o da stanpar par uxo a ƚa vècia manièra.
Ghe xé ƚa version par Windows o par "Palm OS" o par "I phone" (par portàrseƚo senpre drio in scarsèƚa come un modèrno "tutìmetro" digital). El ghe xé sia in formato de règoƚo tondo che de scaƚa de distanse. E el xé axornà co' i riferimenti de rapòrto fra sercoƚeto de confuxion e formato, anca de i sensorini-ini-mini de ƚe màchine digitaƚi "APS size", o anca pì cèi.
