23/11/2007

Free Software II
E se le someje le xé in movimento?
Ghe xé chi che dixe che se gà da cronpar un programa co' un codec comercial par véder i DVD... Gninte vero, ghe xé letori che i lèxe tuti i formati e co' funsion pì che avansàe.
El programa che ghemo proà el xé Videolan, un letor multimedial soto licensa GNU, conplèto anca se un fià òstrego in te la gestion de tute le so (tante) funsion, dixemo adato a utenti "smanetoni"; se pol descargarlo dal sito oficial.
Oltra a tuto cuel che se pol far co' Media Player, Quick Time Player, DivX Player, e altri, el VLC el permete de véder i filmati come "wallpaper", el che permete de continuar a laorarghe sora, come che se xé bituài co' le imàxene fise.
E no xé tuto; ghe xé contròli audio avansài, co' tanto de ecualixador, contròli video, playlist, ripetision de brani, de liste, catura e salvamento de fotogrami video... E el ghe xé disponìbile par tuti i O.S:
Windows
Mac OS X
BeOS
Debian GNU/Linux, Ubuntu Linux, Mandriva Linux, Fedora Core, Familiar Linux, SUSE Linux, Red Hat Linux, Slackware Linux, ALT Linux, YOPY/Linupy, Zaurus, Arch Linux.
E se no sodisfa la gràfega ghe xé anca un strafujo de skins de xonta da descargar, senpre a gratis.

VLC atualmente el xé anca 'l ùnico mòdo par véder gratis e a schèrmo intièro el streaming da americafree.tv.



Bon divertimento.